Германия Бундеслигасининг 24-туридан ўрин олган баҳсда Дортмунднинг «Боруссия» жамоаси кучли қаршилик кўрсатганига қарамай, Мюнхеннинг «Бавария» клубига 2:3 ҳисобида имкониятни бой берди. Бу ҳақда euro-football.ru хабар беради.
Натижада «Боруссия»нинг чемпионатдаги мағлубиятсиз юриши якунига етди. Учрашувгача бу серия Европанинг бешта етакчи лигаси орасида давом этаётган энг узун кўрсаткич бўлиб, дортмундликлар Бундеслигада 16 ўйин кетма-кет ютқазмаганди.
Қизиғи шундаки, ушбу серия ҳам айнан «Бавария»га қарши ўйиндан кейин бошланган: 7-турда мюнхенликлар 2:1 ҳисобида ғалаба қозонган, шундан сўнг «Боруссия» кечаги оқшомгача мағлуб бўлмай келганди.
Кейинги турда «шмелар» сафарда «Кёльн»га қарши майдонга тушади. Учрашув 7-март куни бўлиб ўтади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
