«Галатасарай» ва «Фенербахче» сафида тўп сурадиган икки футболчи тикишлар билан боғлиқ ҳолат сабаб Туркияда қамоқ жазосига тортилиши мумкин. Бу ҳақда euro-football.ru хабар беради.
Гап «Галатасарай» футболчиси Метехан Балтаджи ҳамда «Фенербахче» сардори Мерт Ҳакан Яндаш ҳақида кетмоқда. Улардан биринчисига 13 йилгача, иккинчисига эса 17 йилгача озодликдан маҳрум этиш жазоси таҳдид солаётгани айтилаётган.
Sabah хабарига кўра, Балтаджи камида икки марта «Галатасарай» ўйинларига тикиш қилган. У ўша баҳсларда асосий таркибда бўлмаган, бироқ жамоа қайдномасидан жой олган — бу эса футболчининг ўйин натижасига билвосита таъсир ўтказиш эҳтимолини оширади.
Амалдаги Туркия қонунчилигига биноан, у букмейкерларга профессионал спортчи эканини билдириши шарт бўлган, аммо футболчи буни қилмагани таъкидланмоқда.
“Zamin”ни Telegram'да ўқинг!
