Ливерпул жамоасининг собиқ ҳужумчиси Мичаел Овен Муҳаммад Салаҳ кетганидан сўнг, унинг ўрнини босадиган энг муносиб номзод сифатида Вест Хем Юнайтед форварди Жаррод Бовенъни кўрсатди. Мисрлик юлдузнинг мавсум якунида жамоадан кетиши кутилаётган бир пайтда, Мерсисайд клуби қанот ҳужумчиси позициясини кучайтириш муаммосига дуч келмоқда. Бу ҳақда Goal.com хабар беради.
талкСПОРТ радиоси эфирида собиқ футболчи ўз фикрлари билан ўртоқлашди: "Мен дўстларимга ҳам айтгандим, агар имконият бўлса, айнан Бовенъни сотиб олган бўлардим. У ажойиб футболчи, Вест Хем мухлислари уни жуда қадрлашади, аммо жамоа қуйи лигага тушиб кетса, у Ливерпул учун идеал вариант бўлади".
Овен Жаррод Бовенънинг техник маҳорати, ҳар икки оёғи билан тенг даражада яхши ўйнаши ва гол уриш қобилиятини алоҳида таъкидлади. Унинг сўзларига кўра, Арне Слот қўл остидаги Ливерпул таркибида Салаҳ каби ўнг қанотда ўйнай оладиган ихтисослашган ҳужумчи етишмаяпти.
Экспертнинг фикрича, Ливерпул ўтган йили катта маблағ сарфлаганига қарамай, таркибда Салаҳ ўрнини боса оладиган аниқ бир футболчи йўқ. Кодй Гакпо ва Флориан Виртс каби иқтидорли ўйинчилар бўлишига қарамай, айнан ўнг қанотда Салаҳ берадиган хавфни такрорлай оладиган футболчи ҳозирча жамоада кўринмаяпти.
“Zamin”ни Telegram'да ўқинг!
