Россия темир йўллари (РЖД) Москва ва Санкт-Петербург шаҳарларидаги йирик вокзалларда автоном тозаловчи роботлардан фойдаланишни бошлади. Бу ҳақда компаниянинг расмий Telegram-каналида маълум қилинди. Бу ҳақда Ixbt.com хабар беради.
Роботлар Москвадаги Қозон, Ярославл, Курск, Павелет ва Киев вокзаллари, шунингдек, Санкт-Петербургдаги Москва вокзалининг ички ҳудудларини тозалаш ишларини бажаради. Қурилмалар полни супуриш, ювиш, қотиб қолган кирларни тозалаш, хона харитасини тузиш ва оптимал йўналишни белгилаш имкониятига эга.
Ақлли тизимлар тўсиқларни мустақил равишда четлаб ўтади ва қуввати тугаганда автоматик равишда қувватлаш станциясига қайтади. РЖД маълумотларига кўра, роботларнинг унумдорлиги соатига 1980 квадрат метрни ташкил этади, бу саккизта баскетбол майдони ёки ўнтага яқин теннис корти майдонига тенг.
Ушбу технологиянинг жорий этилиши сув, электр энергияси ва ювиш воситаларини сезиларли даражада тежаш имконини беради. 2026-йилнинг июн ойидан бошлаб вокзалларда буғ генераторлари ёрдамида санитария ишловини янада кучайтириш режалаштирилган.
“Zamin”ни Telegram'да ўқинг!
