Vivo компанияси ўзининг янги флагмани Vivo X300 Ultra смартфонини Хитойдан ташқари халқаро бозорларда, хусусан, Ҳиндистонда тақдим этди. Қурилма 12/512 GB ва 16/512 GB хотира вариантларида сотувга чиқарилган бўлиб, уларнинг нархи мос равишда 1695 ва 1800 долларни ташкил этади. Шунингдек, фойдаланувчилар 295 доллар эвазига 400 мм гача фокус масофасини таъминловчи телеконверторни харид қилишлари мумкин. Бу ҳақда Ixbt.kom хабар беради.
Смартфоннинг асосий устунлиги унинг илғор камера тизимидир. Қурилма Зеисс оптикаси билан жиҳозланган бўлиб, асосий модул 200 мегапикселли Sony ЛЙТИА 901 сенсорига эга. Бундан ташқари, 50 мегапикселли ультра кенг бурчакли Sony ЛЙТИА 818 ва 200 мегапикселли Samsung HP0 телеобъективи ўрнатилган. Ушбу техник ечимлар суратга олиш сифатини янги босқичга олиб чиқади.
Қурилма Snapdragon 8 Элите Ген5 процессори негизида ишлайди ва 6,82 дюймли 2К АМОЛEД дисплей билан жиҳозланган. Экран 144 Гтс янгиланиш тезлигини қўллаб-қувватлайди. Дастурий таъминот сифатида Android 16 базасидаги ОригинОС 6 қобиғи ўрнатилган.
Батарея сиғими 6600 мА/соатни ташкил этиб, 90 Вт тезкор ва 40 Вт симсиз қувватлаш имкониятига эга. Шунингдек, смартфон ИП69 стандарти бўйича сув ва чангдан ҳимояланган. Олдиндан буюртмалар аллақачон бошланган, етказиб бериш эса 14-майдан йўлга қўйилади.
“Zamin”ни Telegram'да ўқинг!
