Бавария яримҳимоячиси Жамал Мусиала мавсумнинг ҳал қилувчи палласида ўзининг энг яхши спорт формасига кириб бораётгандек кўринган эди, бироқ сўнгги иккита омадсиз ўйин унинг ўсиш суръатини вақтинча тўхтатиб қўйди. Серге Гнабрйнинг жароҳати жамоа учун катта йўқотиш бўлди, аммо бу ҳолат Мусиалага асосий таркибдан жой қайтариб олиш учун имконият эшигини очди. Бу ҳақда Goal.com хабар беради.
Бош мураббий Винсент Компани ёш футболчининг жисмоний ҳолати яхшиланиб бораётганини таъкидлаб, асосий савол “сеҳрли Мусиала” қачон майдонга қайтишида эканлигини айтди. Мутахассис футболчининг ўзига хос эркинлиги ва ижодкорлиги жамоа учун қанчалик муҳимлигини тушунади ва унинг янада ривожланган версиясини кўришни интиқлик билан кутмоқда.
Чемпионлар лигаси доирасидаги ПСЖга қарши баҳс Мусиаланинг ўзини кўрсатиши учун идеал саҳна бўлиши кутилган эди. Бироқ, учрашувда Майкл Олисе, Ҳарри Кейн ва Луис Диас каби футболчилар порлаб, ўйин тақдирини ҳал қилишди, Мусиала эса ўз салоҳиятини тўлиқ намоён эта олмади.
Статистик маълумотларга кўра, ёш иқтидор эгаси майдонда сезиларли таъсир ўтказа олмади: у дарвоза томон аниқ зарба йўллай олмади ва шерикларига голли узатма бера олмади. Унинг атиги 26 та аниқ пас узатгани ва ўйин давомидаги пассивлиги мураббийлар штабини ўйлантириб қўйди.
“Zamin”ни Telegram'да ўқинг!
