Робин ван Персие Раҳеем Стерлингни ҳимоя қилди

Фееноорд бош мураббийи Робин ван Персие Раҳеем Стерлингга нисбатан билдирилаётган танқидларга кескин муносабат билдирди. Нидерландия чемпионатидаги ўйинлари учун футболчига қаратилган "киноя ва менсимаслик" ҳолатлари мураббийнинг ғазабини келтирди. Бу ҳақда Goal.com хабар беради.
ПEК Зволле жамоасига қарши ўйиндан сўнг Ван Персие Стерлингнинг бой фаолиятига ҳурмат билан қараш кераклигини таъкидлади. Унинг сўзларига кўра, Англия Премер-лигасида йиллар давомида юқори савияда тўп сурган футболчи бундай муносабатга лойиқ эмас.
"Мен унинг атрофидаги кинояли муҳитни тушуна олмайман. У Англияда 200 та гол урган ва терма жамоа сафида 82 та ўйин ўтказган футболчи. Нидерландия футбол ҳамжамияти бундай тажрибали ўйинчига нисбатан ҳурматсизлик қилмоқда", — деди собиқ ҳужумчи.
Стерлинг Ливерпул, Манчестер Сити ва Челси каби клубларда ўзини кўрсатган бўлса-да, Нидерландиядаги мослашув жараёни мураккаб кечмоқда. Бироқ Ван Персие футболчининг ўтмишдаги ютуқлари унинг ҳозирги ҳолатидан муҳимроқ эканлигини эслатиб ўтди.
“Zamin”ни Telegram'да ўқинг!