Great Wall Motors kompaniyasi o‘zining mashhur Raptor krossoverining yanada kattalashtirilgan va takomillashtirilgan versiyasi — Haval Raptor Plus modelini taqdim etdi. Yangi avtomobil 5 va 7 o‘rinli salon konfiguratsiyalarida ishlab chiqariladi. Xitoy bozorida modelning boshlang‘ich narxi 161 800 yuandan boshlanadi. Bu haqda Ixbt.com xabar beradi.
Avtomobilning gabarit o‘lchamlari 4912 x 1950 x 1905 mm, g‘ildirak bazasi esa 2850 mm ni tashkil etadi. Bu ko‘rsatkichlar bo‘yicha krossover Toyota Land Cruiser 300 modeli bilan bemalol raqobatlasha oladi. Interyerda 15,6 dyuymli 2,5K sig‘imli ekran, Coffee OS 3 tizimi va yangi ko‘rinishdagi rul chambaragi o‘rin olgan.
Texnik jihatdan Haval Raptor Plus 448 ot kuchiga ega bo‘lgan Great Wall Hi4 gibrid tizimi bilan jihozlangan. 660 N·m aylanish momentiga ega bo‘lgan ushbu tizim avtomobilning 0 dan 100 km/soat tezlikka 5,8 soniyada erishishini ta’minlaydi. 44,7 kW⋅soat sig‘imli akkumulyator esa sof elektr rejimida 255 km (CLTC sikli bo‘yicha) masofani bosib o‘tish imkonini beradi.
Qulayliklar qatoriga 5,4 litrli muzlatgich, 12 ta dinamikdan iborat audio tizim, 50 vattli simsiz quvvatlash qurilmasi hamda kemping uchun maxsus chiroqlar kiritilgan. Shuningdek, barcha o‘rindiqlar isitish, ventilyatsiya va massaj funksiyalari bilan ta’minlangan.
“Zamin”ni Telegramʻda oʻqing!
