Toyota Land Cruiser 300 gibrid versiyasi Avstraliya bozoriga chiqdi
Toyota kompaniyasi Avstraliya bozorida o'zining eng quvvatli yo'ltanlamasi bo'lgan Land Cruiser 300 Hybrid modelini rasman taqdim etdi. Avtomobil 3,5 litrli V6 egizak turbo dvigatel va elektr motor majmuasidan iborat i-Force Max gibrid tizimi bilan jihozlangan bo'lib, uning umumiy quvvati 457 ot kuchiga teng. Xaridorlarga GR Sport va Sahara ZX komplektatsiyalari taklif etilib, ular 10 pog'onali avtomat uzatmalar qutisi hamda to'liq uzatmali tizim bilan ta'minlangan.
Toyota kompaniyasi Avstraliya bozorida oʻzining eng quvvatli yoʻltanlamasi — Land Cruiser 300 Hybrid modelini rasman taqdim etdi. Avvalroq ushbu model faqat Sharqiy Yevropa va Yaqin Sharq mamlakatlarida sotilgan boʻlsa, endilikda uning geografiyasi kengaymoqda. Bu haqda Ixbt.com xabar beradi.
Yangi model i-Force Max gibrid tizimi bilan jihozlangan boʻlib, u 3,5 litrli V6 egizak turbo dvigatel va elektr motor majmuasidan iborat. Umumiy quvvati 457 ot kuchiga va 790 Nm aylanish momentiga teng boʻlgan ushbu agregat anʼanaviy dizel dvigatelli modellardan ham kuchliroq hisoblanadi.
Avstraliyalik xaridorlarga GR Sport va Sahara ZX komplektatsiyalari taklif etiladi. Ikkala versiya ham 10 pogʻonali avtomat uzatmalar qutisi va Toyotaʼning xususiy toʻliq uzatmali tizimi bilan jihozlangan. GR Sport modifikatsiyasi esa yanada takomillashtirilgan osma tizim va elektron differensial blokirovkalari bilan ajralib turadi.
Gibrid versiyaning oʻziga xos jihatlari qatoriga elektr boshqaruv kuchaytirgichi hamda yukxona qismidagi 1500 Vt quvvatga ega rozetka kiradi. Avtomobil faqat besh oʻrindiqli salon dizaynida ishlab chiqariladi.
Model 2026-yilning oʻrtalarida sotuvga chiqishi kutilmoqda. GR Sport versiyasining boshlangʻich narxi 113 ming dollarni, Sahara ZX esa 113,5 ming dollarni tashkil etadi, bu esa oddiy V6 dvigatelli modellardan qariyb 6500 dollarga qimmatroqdir.
Izohlar 0
…