Buyuk Britaniyaning eng boy odami, Hinduja Group oilaviy konglomerati rahbari Gopichand Hinduja, 85 yoshida uzoq davom etgan kasallikdan so‘ng olamdan o‘tdi. Bu haqda The Guardian xabar berdi.
Joriy yilda Hinduja oilasi 35,3 milliard funt sterling (45,9 milliard dollar) boylik bilan The Sunday Times Rich List ro‘yxatida birinchi o‘rinni egallagandi. Gopichand Hinduja katta akasi Srichand Hinduja bilan birgalikda bank, neft sanoati va ko‘chmas mulk sohalarida faoliyat yurituvchi ko‘p tarmoqli kompaniyani boshqargan.
Srichand Hinduja 2023 yilda vafot etgan edi. 1980-yillarda ular Ashok Leyland va Gulf Oil kompaniyalarini xarid qilish orqali o‘z imperiyalarini kengaytirishga erishgan.
Garchi ular turli mojarolarga, jumladan, Britaniya vaziriga yo‘llangan xat orqali akasiga pasport olish bilan bog‘liq voqealarga aralashgan bo‘lsa-da, Gopichand Hinduja xayriya ishlarida faol bo‘lgan va madaniy loyihalarga sarmoya kiritgan. Hinduja oilasiga XVIII asrga oid Londondagi hashamatli saroy va sobiq harbiy idora binosi tegishli bo‘lib, bu bino hozirda hashamatli turar joy majmuasiga aylantirilgan.
Marhumning orqasida rafiqasi Sunita, o‘g‘illari Sandjay va Dhiraj hamda qizi Rita qoldi.
