Ukrainada urush davom etayotganiga qaramay, Nova Post pochta kompaniyasi har kuni ishlamoqda. Havo hujumlari va elektr o‘chishlariga qaramasdan, xodimlar jo‘natmalarni qabul qilish va yetkazib berishni davom ettiryapti. Bu xizmat ko‘plab odamlar va tadbirkorlar uchun muhim bo‘lib qolmoqda.
Kompaniya urush sharoitiga moslashgan. Filiallar xavfsiz joylarga ega, elektr bo‘lmaganda generatorlar ishlatiladi. Internet uzilganda sun’iy yo‘ldosh orqali aloqa yo‘lga qo‘yiladi. Shu sababli xizmatlar deyarli to‘xtamaydi.
Urush Nova Post uchun ham yo‘qotishsiz kechgani yo‘q. Ba’zi filiallar zarar ko‘rdi, xodimlar orasida halok bo‘lganlar bor. Shunga qaramay, kompaniya ishni davom ettirib, minglab xodimlarni ish bilan ta’minlab kelmoqda.
Bugun Nova Post Ukrainadan tashqari Yevropaning 16 ta davlatida ham ishlamoqda. Kompaniya kelgusida xizmatlarini yana kengaytirishni rejalashtirgan. Mutaxassislar bu holatni urush sharoitida ham barqaror ishlashning yaqqol misoli sifatida baholamoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
