2025-yil 7-noyabr kuni Misr arxeologi va professori Xolid Ahmad al-Anani Ali Ezz UNESCOning 12-bosh direktori etib tayinlangani haqida tashkilot xabar berdi. U 15-noyabr kuni to'rt yillik muddatga ish boshlaydi.
Al-Anani UNESCOni boshqaradigan birinchi arab mamlakati vakili va ushbu yuqori lavozimni egallagan ikkinchi afrikalik bo'ladi. U ilgari Misrning turizm va qadimiy yodgorliklarni muhofaza qilish vaziri lavozimlarida ishlagan.
Yangi rahbar misrologiya bo'yicha falsafa fanlari doktori bo'lib, 30 yillik o'qituvchilik tajribasiga ega va uchta tilni biladi. Shuningdek, u Jahon sayyohlik tashkilotining madaniy turizm bo'yicha maxsus elchisi sifatida tanilgan.
UNESCO – BMTning ixtisoslashgan tashkiloti bo'lib, ilm-fan, ta'lim va madaniyat sohasidagi xalqaro hamkorlik orqali tinchlikni mustahkamlashga ko'maklashadi. Tashkilot 194 a'zo davlatni birlashtiradi va dunyo bo'ylab 2000 dan ortiq jahon merosi ob'yektlarini boshqaradi.
