15 mart kuni Ostonada Qozog‘iston prezidenti Nursulton Nazarboyevning Turkmaniston prezidenti Gurbanguli Berdimuhamedovning o‘g‘li, Turkmaniston parlamenti — Mejlisi qo‘mitasi raisi Serdar Berdimuhamedov bilan uchrashuvi bo‘lib o‘tdi. Bu haqda Tnews.uz sayti yozmoqda.
Serdar Berdimuhamedov Ostonaga Turkmaniston Mejlisi raisi Akja Nurberdiyeva boshchiligidagi delegatsiya tarkibida keldi.
Qozog‘iston prezidenti matbuot xizmati payshaba kuni kechqurun tarqatgan xabarga qaraganda, Nazarboyev Qozog‘iston va Turkmaniston o‘rtasidagi ikki tomonlama muloqotlarning rivojlanishi va mustahkamlanishi muhimligini ta’kidladi va Turkmaniston prezidentining faoliyatiga muvaffaqiyatlar tiladi. Matbuot xizmatining xabar qilishicha, Qozog‘iston prezidentiga “Turkmaniston prezidenti Gurbanguli Berdimuhamedovning shaxsiy maktubi topshirildi”.
Poytaxtda 15 mart kuni Markaziy Osiyo davlat rahbarlarining birinchi maslahat uchrashuvidan avval Nazarboyevning Qirg‘iziston,Tojikiston va O‘zbekiston rahbarlari bilan ikki tomonlama uchrashuvlari bo‘lib o‘tdi.
Nazarboyevning Turkmaniston parlamenti raisi Akja Nurberdiyeva bilan uchrashuvi bo‘lib o‘tmadi.
36-yoshli Serdar Berdimuhamedov 25 mart kuni Turkmanistonda bo‘lib o‘tadigan parlament saylovlarida nomzod sifatida ishtirok etmoqda.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi