Foto: «RBK»
Belarus poytaxti Minsk shahrida prezident saylovida Aleksandr Lukashenkoning raqiblari uchun imzo to‘plash maqsadida uyushtirilgan namoyishda bir necha kilometrli navbat yuzaga keldi. Bu namoyish prezident saylovi kampaniyasi vaqtida qo‘lga olingan faollar va siyosatchilarni qo‘llab-quvvatlash uchun tashkil qilingan. Bu haqda Meduza xabar berdi.
Qayd etilishicha, «birdamlik zanjiri» deb atalayotgan aksiya Minskning asosiy ko‘chasi bo‘lgan Mustaqillik shohko‘chasida 18 iyun kuni kechki payt boshlangan va bunday zanjirlar prezidentlikka nomzodlar Yuriy Gubarevich, Nikolay Kozlov, Olga Kovalkovaga imzo yig‘ilayotgan joylarda yuzaga kelgan. «Bugun belarusliklar erkinlik uchun navbatga turdi va o‘ziga kerak bo‘lgan munosabatni talab qildi», — deya ma’lum qilgan Olga Kovalkova.
Minsk vaqti bilan soat 22:00 da «birdamlik zanjiri» Mustaqillik shohko‘chasi bo‘ylab taxminan besh kilometrga cho‘zildi. Haydovchilar birdamlik belgisi sifatida aksiya ishtirokchilariga signal chaldi. Militsiya shohko‘chani qisman yopdi. Aksiyada ikki mingdan ortiq odam ishtirok etgani xabar qilingan.
Eslatib o‘tamiz, Minskda 18 iyun kuni Belarus prezidentligiga nomzod Viktor Babariko qo‘lga olingan. Rasmiylar Babarikoni «Belgazprombank»da noqonuniy tashkilotga rahbarlik qilganlikda ayblamoqda. Babariko bankni 20 yilda davomida boshqargan. Avvalroq «Belgazprombank»ning sobiq va amaldagi xodimlariga nisbatan soliqlarni to‘lamaslik va pul yuvish bo‘yicha jinoiy ish ochilgan.
Yana bir muxolifatchi — Sergey Tixanovskiy 29 may kuni militsiya xodimlariga nisbatan zo‘ravonlik qilganlikda ayblanib qo‘lga olingan. Prezidentlik poygasida rasman blogerning rafiqasi ishtirok etmoqda. Blogerga nisbatan jamoat tartibini qo‘pol ravishda buzuvchi harakatlar tashkil qilish va tayyorlash aybi qo‘yilgan.
Belarusda prezidentlik saylovi 9 avgust kuni bo‘lib o‘tadi.
Manba: Daryo.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi