Foto: AP Photo/Ted S. Warren
AQSHda joriy yoz mamlakatda yuzaga kelgan vaziyat: koronavirus pandemiyasi, qora tanli Jorj Floyd o‘ldirilishi, politsiya bilan aholi o‘rtasida ziddiyat hamda prezident saylovlari sababli ko‘plab ajallarga olib kelishi mumkin.
Associated Press axborot agentligining ta’kidlashicha, AQSHda pandemiya vaqtida qurol savdosi keskin oshgani qayd qilingan. Bu mamlakatdagi kayfiyatga ham salbiy ta’sir qilib, aholi o‘zini xavfsiz his qilmayotganidan darak beradi.
AQSHning qurolli zo‘ravonlik arxivi (Gun Violence Archive) ma’lumotlariga ko‘ra, AQSHda hozirga kelib o‘qotar qurol va pichoqdan jarohatlanish tufayli yuz bergan o‘limlar soni 2019 yilgi ko‘rsatkichlardan oshib ketgan.
Arxiv mutaxassislarining ta’kidlashicha, AQSH aholisi jahon iqtisodiyotiga putur yetkazgan va uzoq vaqt izolyatsiyada qolishga majbur qilgan pandemiyadan o‘ta charchagan. Bundan tashqari, huquq-tartibot idoralari va jamiyat o‘rtasida ziddiyatlar chuqurlashgan.
“Bizda hamma pandemiyadan uzoq vaqt sarosimada bo‘ldi, keyin esa Jorj Floyd o‘limidan keyin g‘azab otiga minish va musibat yuz berdi”, deb aytgan Vashington universitetining huquq-tartibot idoralari va jinoiy sudlov bo‘yicha professori Jeyms Densli. Uning ta’kidlashicha, “eshik ochila boshlangandan keyin zo‘ravonlik avj olishi mumkin”.
Giyohvand moddalarga karshi kurashuvchi tashkilot Good Kids Mad City vakili Kofi Ademolaning fikricha, politsiyachilarni moliyalashtirishga sarflanadigan mablag‘larni uy-joy bilan ta’minlash, ruhiy salomatlik dasturlariga, zo‘ravonlik jabrdiydalariga yo‘naltirish lozim. “Agar siz odil sudlovni tiklashga mablag‘ tiksangiz va jamiyatni o‘z muammolarini o‘zi hal qilishni o‘rganishiga olib kelsangiz, unda sizga politsiya aralashuvi talab etilmasligini tobora seza boshlaysiz”, deb aytgan Ademola.
Shimoli-sharqiy universitet kriminologi Jeyms Alan Foksning ta’kidlashicha, 2020 yilda 2019 yildagi rekord sondagi ommaviy otishmalardan ikki marta kamroq otishma bo‘lishi kutilgandi. Uning fikricha, 2020 yilda zo‘ravonlikning avj olishiga “yuqish” effekti sabab bo‘lgan.
Bundan avvalroq Shimoliy Karolina shtatining Sharlotta shahrida bazm vaqtida ommaviy o‘qqa tutish yuz bergan. Voqea vaqtida ikki kishi halok bo‘lgan, 7 kishi yaralangan. Politsiya boshlig‘i Jonni Jenningning fikricha, o‘t ochganlar bir necha kishi bo‘lgan.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi