18:00 / 08.02.2021
1 087

Qirg‘iziston prezidenti rahbarlardan xonasiga uning portretini ilmaslikni so‘radi

Qirg‘iziston prezidenti rahbarlardan xonasiga uning portretini ilmaslikni so‘radi
Foto: «Profi-news.ru»
Qirg‘iziston prezidenti Sadir Japarov uning portretini mansabdor shaxslarning idoralariga ilmaslikni iltimos qildi, deya jurnalistlarga ma’lum qildi uning matbuot kotibi Galina Bayterek.

«Prezident Sadir Japarov hozirgi paytda fuqarolarimizning hayotiy faoliyatini sifat jihatidan yaxshilash uchun hali hech nima qilmagan deb hisoblaydi. Shu bois u barcha davlat organlariga uning portretini idoralar va ma’muriy binolarga ilmaslikni tavsiya etadi», — dedi matbuot kotibi.

Bayterekning so‘zlariga ko‘ra, Japarov «Qirg‘iziston davlatchiligini mustahkamlash va ijtimoiy-iqtisodiy rivojlanishiga beqiyos hissa qo‘shgan» Qirg‘iziston ASSR Xalq Komissarlari Kengashining birinchi raisi Yusuf Abdurahmonov yoki Respublika Kommunistik partiyasi Markaziy Qo‘mitasining birinchi kotibi Ishoq Razzoqovning portretlarini ilganlari ma’qul deb hisoblaydi.

10 yanvar kuni bo‘lib o‘tgan prezident saylovlarida Japarov 79 foizdan ko‘proq ovoz to‘plab, g‘alaba qozondi.

11 yanvar kuni O‘zbekiston Respublikasi Prezidenti Shavkat Mirziyoyev Sadir Japarovni bo‘lib o‘tgan Prezident saylovidagi ishonchli g‘alabasi hamda Qirg‘iziston Konstitutsiyasiga o‘zgartirishlar kiritish bo‘yicha referendumning muvaffaqiyatli o‘tkazilgani bilan chin dildan tabrikladi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)