2 839
Yaponiyada deputatlar homilador ayollar ahvolini tushunish uchun ikki kun davomida sun’iy qorin kiyib yurdi (video)
Foto: Esquire
Yaponiyada hukmron partiyaning uch a’zosi ikki kun davomida homiladorlarga taqlidan sun’iy qorin va ko‘krak qafasi birlashtirilgan nimcha kiyib yurdi, deb yozadi Esquire.
Ushbu kiyimning og‘irligi 7,3 kilogrammni tashkil etadi. Siyosatchilar uni uxlash, ishlash va do‘konda xarid chog‘ida, umuman, ikki kun uzluksiz kiyib yurgan. Sun’iy qorinlar faqatgina hukumatning yalpi majlisi vaqtida olib tashlangan.
«Turish, o‘tirish, atrofga qarash va boshqa oddiygina harakatlarni bajarish ham qiyin edi», – deydi o‘z his-tuyg‘ulari bilan bo‘lishgan siyosatchilarning biri.
Boshqa bir deputat esa qorin harakatida cheklanish va umuman, noqulaylik haqida shikoyat qilgan. «Uyda hammom tozalash, tirnoq olish kabi ishlarni bajarish ham qiyin edi», – deydi u.
そのうえで、妊婦の大変さを少しでも「わがこと」にできるよう、様々な痛みや辛さを想像し、ただ重くてかさばるものを抱えている意識でなく、そこに大切な命が宿っているんだと想像しつつ、一泊二日を過ごそうと考えてます。
— 小倉まさのぶ(衆議院議員) (@masanobu_ogura) April 8, 2021
Mazkur tashabbus deputat Takako Suzukiga tegishli bo‘lib, tajribaning asosiy g‘oyasi erkak deputatlar ayollarning homiladorlik bosqichida qanday qiyinchiliklarga duch kelishini tushunish edi. Rasmiylarning fikriga ko‘ra, bu homiladorlarning ish joyidagi kamsitish muammolarini bartaraf etishga yordam beradi.
Yaponiyada hatto maxsus «matahara» – «adolatsiz muomala» degan atama mavjud bo‘lib, homilador va farzandli bo‘lgan ayollarga nisbatan bezorilik, ishdan bo‘shatish yoki ishni tark etishga majbur qilish, psixologik bosim kabi muammolar tez-tez uchrab turadi.
Shuningdek, yapon ayollaridan biri Riye Nakamura ba’zi hamkasblari uning homiladorligini mazax qilgani va unga ko‘p masalada qarshiliklar bo‘lgani haqda ma’lum qilgan. «Bu haqda xabar berish qiyin. Ish esa barqaror kechmagan. Oxir-oqibat murosaga kelishimga to‘g‘ri keldi, chunki o‘zimni yomon his qilar edim», – deydi u.
Sun’iy qorinlar bilan o‘tkazilgan tajribani hamma ham ijobiy qabul qilmadi. Ammo karera bo‘yicha maslahatchi Asako Nixara homilador va bolali ayollar ish joyidagi ahvolni yaxshilash uchun yanada qat’iy qadamlar qo‘yilishi kerak degan fikrni bildirdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi