Foto: VesselFinder
Polshaning Gdansk port shahri yaqinidagi plyajga qarab suzgan va sayozlikka o‘tirib qolishiga bir bahya qolgan Rossiyaga qarashli “Ruslana” yuk kemasi ushlandi. Polsha OAVda ta’kidlanishicha, keyinroq kema ekipaji mast holatda bo‘lgani aniqlangan.
Voqea 4 dekabrda mahalliy vaqt bilan soat 4 atrofida yuz bergan. Chegara xizmati xodimi Anjey Yuzvyakning ma’lum qilishicha, Rossiya savdo kemasi Gdanskdagi shimoliy port tomon belgilangan xavfsiz suv hududidan tashqarida harakatlangan.
Foto: TWITTER/PORTALMORSKI
Yuk kemasi radioaloqa orqali murojaatlarga javob bermagan. Natijada uni to‘xtatish uchun chegara xizmati aralashishiga to‘g‘ri kelgan.
Kema tomon navbatchi patrul yo‘l olgan. Chegarachilar kemaga chiqishganda, uning ekipaji mast holatda ekanini aniqlashgan.
Ma’lumotlarga ko‘ra, Litvaning Klaypeda shahridan yo‘lga chiqqan kema 20 km/soat tezlik bilan harakatlangan. U Sobeshevo orolidagi plyajdan bir kilometr berida ortiga burilib, sayozlikka botishdan qocha olgan.
Hozircha kema ekipaji bu manyovrni sohilbo‘yi xizmati ogohlantirishidan keyin yoki oxirgi pallada sohilga urilishini anglab amalga oshirgani noma’lumligicha qolmoqda.
Ekipaj sardori qonida 1 promille, ekipajning qolgan 2 a’zosi qonida esa 1,5 promilledan alkogol borligi aniqlangan. Bu esa ekipaj a’zolari o‘rtacha darajada mast (80 kg vaznga ega erkakka 250 gramm aroq iste’mol qilish) bo‘lganlarini anglatadi.
Ta’kidlanishicha, Gdinya porti xodimlari chegara xizmati bilan hamkorlikda kemani ko‘zdan kechirib chiqishgan. Voqea haqida politsiyaga xabar berilgan. Kema Gdansk porti yaqinida langarga qo‘yilgan.
Hozircha Rossiya rasmiy shaxslari ushbu hodisa bo‘yicha izoh bermagan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi