Goldman Sachs va Morgan Stanley bozor pasayishini kutmoqda

Goldman Sachs va Morgan Stanley vakillari 2026–2027 yillarda fond bozorlarida 10–20% oralig‘ida pasayish bo‘lishini taxmin qilishmoqda. Bu haqda AQShning CNBC telekanali xabar berdi.

Goldman Sachs bosh direktori Devid Solomon Gonkongdagi investitsiya sammitida so‘zga chiqib, uzoq muddatli "ayiq bozorlarida" bunday tuzatishlar odatiy hol ekanligini ta’kidladi. "Avval investitsiyalar o‘sadi, keyin esa pasayadi, bu jarayonlarni qayta tahlil qilish imkonini beradi", — dedi u.

Morgan Stanley rahbari Ted Pik ham ushbu fikrni tasdiqlab, investorlarga bunday pasayishlarni ijobiy qabul qilishni tavsiya qildi. Uning so‘zlariga ko‘ra, fond bozoridagi pasayishlar inqiroz belgisi emas, balki sog‘lom tendensiyalardir.

Hozirda global aksiyalar bozori sun’iy intellektga bo‘lgan katta qiziqish tufayli o‘sishda davom etmoqda. CNBC ma’lumotlariga ko‘ra, o‘tgan oyda Yaponiya Nikkei 225 va Janubiy Koreya Kospi indekslari rekord darajaga yetdi, Xitoyning Shanghai Composite indeksi esa o‘tgan o‘n yillikdagi eng yuqori ko‘rsatkichni qayd etdi.

Goldman Sachs va Morgan Stanley vakillarining fikriga ko‘ra, yaqin yillarda Osiyo yetakchi o‘sish mintaqalaridan biri bo‘ladi. Xususan, Goldman Sachs ekspertlari Xitoyga qiziqish yuqori darajada davom etishini qayd etishdi, chunki mamlakat hali ham dunyoning eng yirik iqtisodiyotlaridan biri sanaladi.

“Zamin”ni Telegramʻda oʻqing!