PSJ Usmon Dembele bilan amaldagi shartnomani uzaytirish ustida faol ish olib bormoqda. Hujumchining klub bilan shartnomasi 2028 yilgacha moʻljallangan, deb xabar beradi Foot Mercato. Bu haqda euro-football.ru xabar beradi.
Manbaga koʻra, Parij klubi “Oltin toʻp” sohibini tarkibda saqlab qolmoqchi, biroq yangi shartnoma bo‘yicha ilk taklif futbolchi tomonidan rad etilgan. Dembele maoshi yanada yuqori bo‘lishini istamoqda.
PSJning dastlabki taklifi yiliga taxminan 30 million yevroni tashkil etgan. Dembelening vakillari esa bu summadan ikki baravar ko‘proq maosh so‘ramoqda. Shu sabab, tomonlar kelishuvdan hali ancha yiroq.
Joriy mavsumdagi 16 o‘yinda 28 yoshli hujumchi 6 ta gol urib, 4 ta golli uzatma berdi. U turli sog‘liq muammolari tufayli 11 uchrashuvni o‘tkazib yuborgan.
“Zamin”ni Telegramʻda oʻqing!
