Tojikiston prezidentining qizi 10 yoshli Qobiljonning onasiga 30 ming dollar miqdorida yordam berdi
Tojikiston prezidenti Imomali Rahmonning qizi Ozoda Rahmon Moskvadagi fojiali voqea ortidan 10 yoshli Qobiljon Aliyevning onasi Nilufar Safoyevaga moddiy yordam ko‘rsatdi. Ozoda Rahmon 30 ming AQSH dollariga teng bo‘lgan 300 ming somoniy miqdorida yordam bergani ma’lum qilindi. Bu haqda Tojikistonning "Xovar" davlat axborot agentligi xabar bergan.
Ma’lumotlarga ko‘ra, mazkur yordam tashabbusi jamiyatdagi birdamlik, insoniy qadriyatlar va mehr-oqibatni namoyon qilish maqsadida amalga oshirilgan. Bu tashabbusni qo‘llab-quvvatlagan Tojikiston hukumati Qobiljonning onasiga uy sovg‘a qilgan edi, shuningdek, tadbirkor Umar Alimatov unga oyiga 10 ming somoniy maosh bilan ish bilan ta’minlashga va’da bergan.
Eslatib o‘tamiz, 16 dekabr kuni Moskva viloyatidagi maktabda bo‘lib o‘tgan fojiali hujumda 10 yoshli o‘quvchi Qobiljon Aliyev halok bo‘lgan. Bu voqea keng jamoatchilikda norozilikka sabab bo‘lib, Tojikiston va Rossiya rasmiylari mazkur holatni keskin qoralashdi va aybdorlarni qonun oldida javobgar qilinishini ta’kidladilar.
Shu tariqa, mazkur yordam Tojikistonning o‘zining insonparvarlik qadriyatlarini yana bir bor namoyon qilishi va jamiyatdagi yordam va birdamlikni ko‘rsatadi.
“Zamin”ni Telegramʻda oʻqing!
