Xorijda ishlash ko‘pchilik fuqarolarimizni qiziqtirishi tayin. Xo‘sh, bugungi kunda Janubiy Koreya Respublikasi boshqa davlatlardan ishchi kuchlarini jalb qilish maqsadida qancha kvota ajratmoqda? O‘zbekiston uchun-chi?
Tashqi mehnat migratsiyasi masalalari agentligi bo‘lim boshlig‘i Azim Ahmatov “Xalq so‘zi” nashriga ushbu savollarga quyidagicha izoh berdi:
— Bugungi kunda Rossiya Federatsiyasi va Janubiy Koreya Respublikasida ko‘plab fuqarolarimiz ishlayapti. Birgina Janubiy Koreya yigirmaga yaqin davlatlarga o‘rtacha 55000 — 58000 kvota ajratmoqda. Shundan uch mingga yaqini O‘zbekiston hissasiga to‘g‘ri keladi. Talab esa ancha yuqori, ya’ni ayni paytda o‘rtacha 20 mingdan ortiq hamyurtlarimiz Koreyada ishlash istagini bildirgan. Bu raqamlar talab hamda taklifdan kelib chiqib o‘zgarishi mumkin.
Agentlik ko‘magida o‘tgan yili 2613 nafar fuqaro Koreya Respublikasiga, 922 nafari esa Rossiyaga mehnat faoliyatini amalga oshirish uchun yuborildi. 2710 nafar nomzod esa, koreys tilidan test sinovidan o‘tgan va ular nomiga ish beruvchi tomonidan mehnat shartnomasi yo‘llangan.
Joriy yilda Janubiy Koreya va Rossiya davlatlarida Tashqi mehnat migratsiyasi masalalari agentligining vakolatxonalarini ochish, shuningdek, Polsha, Yaponiya, Germaniya, Turkiya, Birlashgan Arab Amirliklari kabi davlatlar bilan hamkorlikni yanada mustahkamlash rejalashtirilgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi