“O‘z fikriga ega bo‘lish va uni erkin ayta olish sivilizatsiyalashgan jamiyatning prinsipial xususiyati”

Men jamiyatda tengsizlik va kamsitishlarning barcha, xususan, gender bo‘yicha ko‘rinishlariga izchil ravishda qarshi chiqib keldim va qarshi chiqyapman.

Biroq hozir meni nima ko‘proq cho‘chitayotganini ham bilolmayapman: ayollar erkaklardan ko‘ra yomonroq fikrlaydi degan deputatning bema’ni so‘zlarimi yoki uni hamma joydan quvib solish kerakligi haqida hukumat va partiyalarga chaqiriqlar va aytganlari uchun u uchrayotgan ochiq-oshkora ta’qiblarmi.

Albatta, sivilizatsiyalashgan jamiyat o‘z a’zolarining gender bo‘yicha kamsitilishiga yo‘l qo‘ymaydi.

Biroq o‘z fikriga ega bo‘lish va uni aytish ham zamonaviy sivilizatsiyalashgan jamiyatning prinsipial xususiyati va rad qilib bo‘lmaydigan jihati hisoblanadi. Biz barcha insonlar, jumladan, deputatlarda bizning nuqtai nazarimizda eng ahmoqona hisoblanadigan fikrlarga ega bo‘lish va uni aytish huquqi borligini tushunishimiz kerak. Agar hozir bu deputatni “uradigan” va haydaydigan bo‘lsak, qolgan barcha deputatlar va amaldorlar uzoq muddat jim qoladi, ular siz-u bizning hayotimizni belgilab beradigan u yoki bu masalalarni yechishda qaysi g‘oyalarga tayanishini hech qachon bila olmaymiz.

Zamonaviy, demokratik jamiyatlarda odamlar siyosiy “ekzekutsiya” o‘tkazishga chaqirmaydi, kishilar o‘z deputatlarini tinglaydi va ular qoniqtirmaydigan bo‘lsa, kelgusi saylovda ularga ovoz bermaydi. Juda bo‘lmasa, deputatning vakolati muddatidan oldin tugatiladi. Lekin tahqirlash va ta’qib qilish to‘g‘ri emas.

Manba: Azon.uz “Zamin” yangiliklarini “Telegram”da kuzatib boring