11:47 / 20.11.2015
5 396

«O‘zbekiston kabel televideniesi» ba’zi xorijiy telekanallar translyasiyasi to‘xtatilishi sabablarini tushuntirdi

«O‘zbekiston kabel televideniesi» ba’zi xorijiy telekanallar translyasiyasi to‘xtatilishi sabablarini tushuntirdi

«O‘zbekiston kabel televideniesi» kompaniyasi bosh direktori F.Qodirov ayrim xorijiy telekanallarning O‘zbekiston hududidagi translyasiyasi to‘xtab qolgani sabablarini tushuntirdi. Bu haqda «Darakchi» gazetasi xabar bermoqda.

F.Qodirovning so‘zlariga ko‘ra, O‘zbekiston hududida xorijiy ommaviy axborot vositalarining teleradiomahsulotlari tarqatish O‘zbekiston Prezidentining 2006 yil 2 fevraldagi qarori bilan tasdiqlangan Nizom bilan tartibga solinadi.

Nizomning 8-bandiga muvofiq, amaldagi konstitusion tuzumni zo‘rlik ishlatish yo‘li bilan o‘zgartirish, mamlakatning hududiy yaxlitligini buzish, urush, zo‘ravonlik va shafqatsizlikni targ‘ib etish, shuningdek, axloqiy, ma’naviy qadriyatlar, aholining, ayniqsa, yoshlarning jismoniy va ma’naviy rivojlanishiga zarar etkazuvchi ma’lumotlarni o‘zida mujassam etgan ma’lumotlarni tarqatishga yo‘l qo‘yilmaydi.

«Mazkur Nizom talablariga ko‘ra, shuningdek, ayrim texnik sabablarga binoan, ba’zi telekanallar O‘zbekiston hududida tarqatishga ruxsat etilgan telekanallar ro‘yxatidan chiqarildi», — deydi F.Qodirov.

Xabarda aynan qaysi telekanallarning translyasiyasi to‘xtatilganiga aniqlik kiritilmagan.


Manba: Daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » «O‘zbekiston kabel televideniesi» ba’zi xorijiy telekanallar translyasiyasi to‘xtatilishi sabablarini tushuntirdi