UzTest tan oldi, ammo blogerni aybladi

Toshkent viloyatining Pskent tumanidagi poligonda import avtomobillarni tekshirish jarayoni aks etgan video ijtimoiy tarmoqlarda katta shov-shuvga sabab bo‘ldi, deb nova24.uz xabar berdi.

2024-yil 29-noyabr kuni yozilgan videoda avtomobillar binoga odamlar yo‘qligida kirib, bir necha daqiqadan so‘ng chiqib ketadi. Hech qanday real tekshiruv bo‘lmagan, biroq jismoniy va yuridik shaxslardan laboratoriya tahlillari uchun pul olingan.

Ushbu holatga UzTest rasmiy izoh berdi. Ular videoning haqiqiyligini tan oldi va bu holatni poligon faoliyati yangi boshlanganida yuz bergan xato deb atadi.

Biroq tashkilot blogerni jamoatchilikni adashtirganlikda ayblab, uni huquqiy javobgarlikka tortish bilan tahdid qildi.

UzTest hozir barcha tekshiruvlar tasdiqlangan reglamentlar asosida o‘tayotganini aytdi.

Foydalanuvchilar esa vaqti va puli zoye bo‘lgan fuqarolar oldida kim javob beradi, degan savolni o‘rtaga tashlashmoqda. “Zamin”ni Telegramʻda oʻqing!