UzHydromet kuchli yomg‘ir va sel haqida ogohlantirdi

13 apreldan 18 aprelgacha O‘zbekistonning tog‘ oldi va tog‘li hududlarida uzoq davom etadigan va kuchli yomg‘irlar kuzatiladi, deb Kursiv.media xabar berdi.

"Uzgidromet" ma’lumotiga ko‘ra, ushbu kunlarda sel oqimlari va toshqinlar yuzaga kelishi mumkin. Ayniqsa, relyefi murakkab bo‘lgan hududlarda bunday xavf yuqori.

Eng katta xavf Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining ayrim hududlariga tahdid solmoqda. Jumladan, Shahrisabz, Urgut, Olmaliq, Angren va Xonobod kabi turistik shaharlarda ham xavf mavjud.

Mutasaddilar ogohlantirmoqda: kuchli yomg‘irlar tufayli yo‘llar, aholi yashash punktlari va qishloq xo‘jaligi yerlari suv ostida qolishi, toshqin va sel holatlari yuzaga kelishi mumkin. “Zamin”ni Telegramʻda oʻqing!