16 994
O‘zbekistonda tez rivojlanayotgan va aholining, ayniqsa yoshlar orasida katta qiziqish uyg‘otayotgan kasblar ro‘yxati e’lon qilindi, deb Daryo.uz xabar berdi.
Ular quyidagilardan iborat:
Axborot texnologiyalari va dasturiy ta'minot ishlab chiqish: Butun dunyoda IT sohasi jadal rivojlanmoqda va O‘zbekiston bu jarayondan ortda qolmayapti. Davlat tomonidan berilayotgan soliq imtiyozlari, startaplar va IT-parklar uchun yaratilayotgan qulay sharoitlar, yoshlar orasida sohaning ommalashuvi bu sohaning tez rivojlanishiga turtki bo‘lmoqda.
Qurilish: Aholi sonining ortishi va urbanizatsiya natijasida turar-joy va infratuzilma qurilishi kuchaymoqda. Davlat infratuzilma loyihalariga kiritayotgan investitsiyalar bu sohani kengaytirmoqda.
Sog‘liqni saqlash: Tibbiyot sohasining modernizatsiyasi, zamonaviy asbob-uskunalarning joriy etilishi va xalqaro hamkorlik xizmatlar sifatini oshirishga xizmat qilmoqda.
Ta'lim: Davlatning ta’limga e’tibori va xorijiy universitetlar bilan hamkorlik sohada o‘sishni ta’minlamoqda. Bu esa mutaxassislarga bo‘lgan talabni oshiradi.
Bank va moliya: Moliya bozori va investitsiya muhitini yaxshilash bo‘yicha olib borilayotgan islohotlar bank sektorining jadal o‘sishini ta’minlamoqda.
Shuningdek, sun’iy intellektning rivojlanishi ba’zi kasblarning avtomatlashtirilishiga olib kelishi mumkin. Masalan, kopirayter, dizayner, buxgalter, tahlilchi, marketolog, kurer va taksi haydovchilari kabi kasblarni AI qisman yoki to‘liq bajara oladi.
Ushbu tendensiyani inobatga olgan holda, yoshlar va mutaxassislar zamonaviy kasblarni o‘rganishi, texnologiyalarni egallashi va malakalarini bozor talablariga moslashtirishi muhim.
13:10, 4-04-2025
