Toshkentda 5 kun elektr uzilishi bo‘ladi

17-apreldan 21-aprelgacha Toshkent shahri Almazor va Yunusobod tumanlarining ayrim hududlarida elektr ta’minotida vaqtinchalik uzilishlar bo‘ladi, deb Nova24.uz sayti xabar berdi.

RЭС matbuot xizmatining ma’lumotiga ko‘ra, bu holat “L-DOK-1” va “L-DOK-2” yuqori kuchlanishli 110 kV elektr uzatish tarmoqlarini modernizatsiya qilish ishlari bilan bog‘liq. Ta’mirlash ishlari har kuni 08:00 dan 18:00 gacha amalga oshiriladi.

Almazor tumanida elektr o‘chishi mumkin bo‘lgan joylar: • 21-oila poliklinikasi, ruhiy kasallar shifoxonasi, karlar jamiyati, 16 va 315-maktablar, 4, 20, 39-bog‘chalar
• “Axil”, “Elpavar”, “Ibrohim ota”, “Gulzor”, “Qorasaroy”, “Oltinsoy”, “Moyarik”, “Miskin” mahallalari
• “Muharram Trede”, “Medex Textile”, “Zelal Textile”, “New Castle”, “Osiyo Batareya”, “Akfa Building Materials”, “Rom Farm”, “Keramiks Plyus”, “Tashkent Mebel” va boshqalar

Yunusobod tumanida: • 52-oila poliklinikasi, kanalizatsiya nasos stansiyasi, 52 va 86-maktablar, 502-bog‘cha
• “Astarobod”, “Turkiston”, “Ming chinor”, “Nurmakon”, “Sobirobod”, “Hamkorobod”, “Katta Hasanboy”, “Registon”, “Uch qahramon” mahallalari
• “Jahongir Servis”, “Toshkent Metro Qurilish”, “Sanico Group”, “Toshkent Suv Ta’minoti”, “Biznes Daymond”, “Maxsustrans” va boshqalar

Avvalroq O‘zbekistonda elektr narxlariga yillik indeksatsiya joriy qilinishi e’lon qilingan edi. Bu inflyatsiya darajasiga qarab amalga oshiriladi. “Zamin”ni Telegramʻda oʻqing!