Toshkentda attraksionsiz ilk jamoat bog‘i ochiladi

Toshkentda birinchi attraksion va savdo nuqtalarisiz jamoat bog‘i ochiladi, deb nova24.uz xabar berdi.

Ekologiya vazirligi ma’lumotiga ko‘ra, bog‘ 2025-yil bahorida foydalanishga topshiriladi. Ekologik loyiha Yunusobod tumanidagi 7,5 gektarlik ilgari bo‘sh turgan yerda amalga oshirilmoqda.

Bu hududga 1,2 mingta daraxt va 23 ming tup buta ekilgan. Daraxtlar har xil fasllarda gullaydi. Bog‘da yasmin, zarang, eman, yapon sofrosi kabi daraxtlar bo‘ladi. Asosiy diqqat markazi — 100 dan ortiq navli gulzor (roza bog‘i) bo‘ladi.

Bog‘da attraksionlar va do‘konlar bo‘lmaydi. Qushlar uchun inlar, sun’iy ko‘l va quyosh energiyasida ishlovchi sug‘orish tizimi quriladi. Yo‘laklar toshdan, o‘rindiqlar yog‘ochdan bo‘ladi. Axlat uchun maxsus konteynerlar faqat kirish va chiqishlarda joylashtiriladi.

Bog‘ Yevropa va Yaponiya tajribasi asosida loyihalashtirilgan. Kirish to‘liq bepul bo‘ladi. “Zamin”ni Telegramʻda oʻqing!