2 776
O‘zbekistonda elektr va gaz tariflari o‘zgartiriladi hamda har yillik indeksatsiya tizimi joriy etiladi, deb Nova24.uz xabar berdi.
Yangi qarorga ko‘ra, narxlar oshirilishi 1-apreldan 1-mayga ko‘chirildi.
Bundan tashqari, 201 kVt/soatdan 1000 kVt/soatgacha bo‘lgan hajmga tegishli tarif oraliqlari o‘zgartirilib, endilikda 201 dan 500 kVt/soatgacha alohida toifa sifatida belgilanadi.
2025-yil 1-maydan boshlab, ushbu oraliqdagi har 1 kVt/soat uchun aholiga 800 so‘m to‘lov belgilanadi (hozirda 900 so‘m).
500 kVt/soat iste’mol qiladigan xonadonlar hozir 360 ming so‘m to‘laydi (90 ming so‘m 200 kVt/soatgacha, 270 ming so‘m 201–500 kVt/soat uchun) va 2025-yil 1-maydan keyin ham 360 ming so‘m to‘lashda davom etadi (120 ming + 240 ming so‘m).
Indeksatsiya har yili 1-mayda inflyatsiya darajasiga asosan, lekin 10% dan oshmagan holda amalga oshiriladi.
13:10, 4-04-2025
