“Roma” transfer bozoridagi ishlarini hali beri yakunlay olmaydigan ko‘rinadi. Klub sport direktori Tyagu Pinto o‘zbekistonlik legioner Eldor Shomurodovning masalasini hal qilishi kerak.
Joze Mourino yangi mavsumda asosiy tarkibda Temmi Abraxam, Paulo Dibala, Nikolo Dzanologa tayanadi. Portugaliyalik mutaxassis zaxira o‘yinchisi sifatida Stefan El-Shaaravidan foydalanmoqchi. Yana tez orada Italiya terma jamoasi hujumchisi Andrea Belotti ham safga qo‘shiladi.
Rim klubi murabbiylar shtabi yana ikki hujumchi Eldor Shomurodov va Feliks Afena-Gyandan qutilishga qaror qilgan. 19 yoshli Feliks tez orada “Kremoneze”ga ko‘chib o‘tishi hal bo‘ldi.
Eldor Shomurodov atrofidagi vaziyat biroz murakkab. Turkiya chempioni “Trabzonspor” o‘zbek hujumchisini asosiy nishon qilib belgilagan va uni olish harakatlarini djavom ettirmoqda. Biroq Eldorning o‘zi Italiyada qolmoqchi.
A Seriyadan “Bolonya” hamon hamyurtimizga da’vogar. Biroq klublar badal puli miqdori bo‘yicha kelisha olmayotgan transferni to‘xtatib turibdi.
Bu vaziyatdan “Salernitana” foydalanib qolishga qaror qildi. Salerno shahri sharafini himoya qilayotgan jamoa o‘tkir hujumchiga ehtiyoj sezmoqda.
Italiya futbolini yoritib borayotgan https://www.tuttosalernitana.com saytining ma’lum qilishicha, “Salernitana” jamoasi murabbiylar shtabini o‘zbek hujumchisining universalligi o‘ziga jalb etyapti. Shomurodovning asl pozitsiyasi markaziy hujumchi bo‘lishiga qaramay, taklik sxemalardan kelib chiqib, ikkinchi hujumchi yoki qanot hujumchisi sifatida ham to‘p surishi mumkin.
Bundan tashqari, Eldorga ko‘z tikayotgan jamoa rahbariyati legionerning bo‘yi balandligiga qaramay, tezligi yuqoriligi, kurashuvchanligi, ortga qaytib o‘ynashi va shunga o‘xshash bir qator hislatlarini yuqori baholayapti.
“Roma” chempionat avvalida kutilmagan muammoga duch keldi. Jamoa yetakchilaridan Nikolo Dzanolo va yangi o‘yinchi Jorjino Veynaldum jarohat olib, safdan chiqdi. Joze Mourino har ikki futbolchining o‘rnini bosadigan yangi ijrochilarni olibd kelishni talab qilyapti. Bosh murabbiy talabini bajarish uchun klubga mablag‘ zarur. Shu bois, rimliklar murabbiylar shtabi rejasiga kirmaydigan futbolchilar, xususan, Eldor Shomurodovni ham tezroq sotib yuborishni istayapti.
Mourino chempionatning dastlabki ikki o‘yinida hamyurtimiz xizmatlaridan foydalangani yo‘q. Aksincha, Shomurodovning hozirgi “Roma” darajasiga yetishini kutishga vaqti yo‘qligini ta’kidladi.
Demak, Yevropada yozgi transferlar yakunlanishiga bir necha kun qolgan bir pallada Eldor Shomurodovning faoliyatida o‘zgarish bo‘lishi kutilmoqda. Buning uchun, eng avvalo, “Salernitana” va “Roma” transfer shartlari hamda badal puli miqdorini kelishib olishi kerak. Chunki Eldorning rimliklar bilan tuzgan shartnomasi 2026 yilning yozigacha davom etadi.
Eldor Shomurodov O‘zbekiston, Rossiya va Italiya klublari safida jami 221 ta uchrashuvda qatnashib, o‘z hisobiga 45 ta gol va 23 ta assist yozdirib qo‘ygan. Shuningdek, O‘zbekiston milliy terma jamoasi uchun 53 ta uchrashuvda 30 ta gol urgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Buyrak salomatligi uchun eng foydali sabzavot...
Donald Tramp 27 yoshli Karolin Levittni Oq uy matbuot kotibi etib tayinlamoqchi
Rossiya armiyasi Kupyanskka kirgani aytilmoqda
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Yaxshi pishgan va mazali anor tanlashga yordam beradigan tavsiyalar
