Valve kompaniyasi Steam Controller va Puck tashqi korpuslari uchun CAD-fayllarni foydalanuvchilar uchun ochiq qildi. Eslatib oʻtamiz, ushbu geympad 2026-yil 4-may kuni sotuvga chiqqanidan soʻng atigi yarim soat ichida barcha nusxalari sotilib ketgan edi. Bu haqda Ixbt.com xabar beradi.
Valve rasmiy bayonotiga koʻra, qurilmaning tashqi qismlari topologik yuzalarini Creative Commons litsenziyasi asosida yuklab olish va foydalanish mumkin. Toʻplam tarkibiga STP va STL formatidagi modellar, shuningdek, texnik chizmalar hamda qurilmaning muhim qismlari va taqiqlangan zonalari (keep outs) kiritilgan.
Kompaniya vakillari foydalanuvchilarni ushbu fayllar yordamida turli tajribalar oʻtkazishga va oʻz modifikatsiyalarini yaratishga chorlamoqda. Valve muxlislarning ijodiy yondashuvini koʻrishga qiziqish bildirmoqda.
Steam Controller Valve kompaniyasining ikkinchi avlod geympadi hisoblanadi. Eslatib oʻtamiz, ushbu turkumdagi ilk qurilma 2015-yilda taqdim etilgan edi. Yangi Steam Controller narxi 100 dollar yoki yevroni tashkil etadi.
“Zamin”ni Telegramʻda oʻqing!
