![Maksim Shatskix yorildi: "Bu tomorqada qanday qilib futbol o‘ynash mumkin, bilmayman"](/uploads/posts/2024-08/cc492b1122_5e7c82410f609608a2c588f18578c0aa_jpg.webp.pagespeed.ce.nE974QUg_j.webp)
Superliganing 14-turida qoldirilgan "Paxtakor" - "Surxon" bahsidan keyingi matbuot anjumanida "sherlar" ustozi Maksim Shatskix ishtirok etdi.
- O‘yin haqida hech qanday gapim yo‘q. "Surxon" yarim maydondan ikki marta o‘tdi va penalti tepdi. Haqiqat shunday. Hakamlik haqida gapirishni yoqtirmayman. Hamma xursand, "Paxtakor"ning ovozini o‘chirib qo‘yishdi. Hali o‘yinni ko‘rib chiqamiz. Men doimo futbolchilarim va hakamga gapiraman. Sizlar esa o‘zingizni hurmat qilishingiz kerak. Bo‘lmasa bir umr latta bo‘lib qolib ketasiz. Shu sababli o‘zingizni hurmat qiling va masxaraboz kabi tutmang. Sariq futbolchining yiqilib tushishi o‘ylangandek, soniya ham o‘tmay bunga reaksiya qilindi. Buni barcha kutib turgandek bo‘ldi.
"Bunyodkor" bilan ham shunday pauza ko‘rdik. Bosh hakam penalti bermadi, keyinchalik qanot hakami ishora qilganidan so‘ng penalti berildi. Takrorlayman, biz yanada hujumkorroq va jangovarroq bo‘la olamiz. Agarda vaziyatlarimizni urganimizda, hisob boshqacha bo‘lardi. Balki 5-6ta gol urgan bo‘lardik. Barchasini ko‘rib chiqamiz, chunki biz futbolchilardan boshqa narsalarni talab qilgandik. Borini qabul qildik. Hech nima qila olmaymiz, epizodlar uchun ochko berilmaydi va ishlashda davom etamiz.
- O‘yin davomida raqib posboni seyvlar qilaversa, yuqori darajani ushlab qolsa, bahsda qanday o‘zgarishlar qilish kerak bo‘ladi?
- Futbol hech nimani kechirmaydi, bu gapni futbolchilarimga ko‘p aytaman. "Lokomotiv" bilan ham birinchi bo‘limda shunday o‘ynagandik. O‘yindan oldin ham yigitlardan o‘sha kabi jangovarlik, hujumkorlikni saqlab qolishini so‘ragandik. Futbolni esa alday olmadik. Keyin biror nimani o‘zgartira olmaymiz, buni yaxshi bilaman. Bunday holatda nimalarnidir o‘zgartirish juda qiyin. 99,9 foizlik vaziyatlar darvozaga kirmasligi mumkin: ustunga yoki to‘singa tegishi, darvozaning yonidan o‘tib ketishi mumkin. Bunday paytda biror nimani o‘zgartirish ham shart emas. Lekin futbol bunday narsalarni kechirmaydi.
Ha, maydon falokatli holatda. Bu chimda biz o‘zimiz istagan futbolni ko‘rsata olmaymiz. "Bunyodkor" va "Jar" stadionlarida nimalar bo‘lganini bilmayman. Ikki oy oldin bu yerda zo‘r stadion bor edi. Bu tomorqada qanday qilib futbol o‘ynash mumkin, bilmayman. Umuman ilojsiz. Yoki bizda tuzukroq mutaxassislar yo‘q yoki nimalar bo‘layotganini men tushunmayapman. Faqatgina bu yerda emas, Namangan va Andijonning maydonlari ham yomon holatda. Barcha maydonlar "o‘lgan". Biz futbol o‘ynamoqchi bo‘lsak, buni yaxshilashimiz kerak. Biz shunchaki to‘pni ushlab turib, o‘yinni nazorat qilishni, agressiv futbol o‘ynashni istaymiz.
Tushunarli, maydon hamma uchun bir xil, lekin taktikalar har xil. Biz hujum qilyapmiz, ular tepib yuborishyapti to‘pni. Shu sababli barchadan maydonlarga yaxshi qarashni iltimos qilgan bo‘lardim. O‘zbekiston iqlimida buning uchun nima halaqit qilishini esa tushunmayapman. Biz arab davlatlariga boramiz, u yerdagi stadionlar bilyard stoli kabi tekis. Balki ularda chim turi boshqachadir yoki iqlimi mosdir. Qadam va qadam rivojlanishda davom etamiz.
- Hakamlik haqida gapirmayman dedingiz. Ikkinchi bo‘lim boshida "Surxon" futbolchisi Abdurauf Bo‘riyevga qarshi juda qo‘pol o‘ynadi. Biroq bosh hakam bu yerda qizil emas, sariq kartochkasini cho‘ntagidan chiqardi.
- Bu yerda barchasi aniq. Raqib futbolchisi oyog‘ini tikka ko‘tardi. Lekin shu yerda ham bosh hakam birdaniga reaksiya qilmadi. VAR esa kelib ko‘rgin, qo‘pollik qattiqroq bo‘ldi deb aytdi. Oradan bir yarim daqiqa o‘tib u sariq kartochkasini berdi. Qizil bo‘lishi uchun futbolchining to‘pig‘i sinish kerak bo‘lsa kerak. O‘zbekistonda biz toza futbol vaqti bilan barchadan oldindamiz. Har o‘yinda 46 daqiqa. Bunday futbol bilan qayerga bormoqchimiz? Jahon chempionatiga chiqamizmi yoki Olimpiadani yutamizmi? 46 daqiqa!
Yigitlar, buni rivojlantirish kerak. Yevropaning istalgan chempionatlarini qarang, futbol tezlashib ketyapti. Hakamlarni deyarli sezmaymiz. Faqatgina jiddiyroq holatlarda ko‘ramiz, boshqa paytlarda ular maydonda ko‘rinmaydi. Namanganda bosh hakam 5 daqiqa VARni eshitdi, 5 daqiqa yana VARni ko‘rdi. Ikkinchi marta ham shunday bo‘lyapti. Bu futbolchilar o‘yin ritmida bo‘lib turadi va mana kutib oling katta pauza. Bu orqali nafaqat temp yo‘qoladi, balki fikrlash ham. Futbol hakamlar uchunmi yoki biz?
Biz muxlislar uchun futbol o‘ynashni istaymiz, lekin ular bunga halaqit qilishmoqda. Hech qanday qo‘pollik yo‘q, to‘p biz bilan, hushtak chalinadi va jarima zarbasi belgilanadi. To‘p bizda bo‘lsa, o‘yinni to‘xtatgandan nima foyda? Bu pauza nimaga kerak? Hatto ba’zida jiddiy qo‘pollik bo‘lganda ham ular jim turishadi. Yoki ular hakamlik qilishni bilishmaydi. Epizod yakunlanganidan keyin o‘sha kartochkasini bersa bo‘ladi. Futbol shunday rivojlanadi. Ular esa o‘tirib, nimalarnidir tomosha qilib turishadi. Bu bilan shug‘ullanadiganlar bor. Gap bizning mag‘lub bo‘lganimizda emas. Bugun 4:1 yutganimizda ham shunday derdim. Hakamlar futbol o‘ynashimizga halaqit qilmasligi kerak. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Britaniya diplomati hukumat Isroilga qurol sotgani uchun iste’foga chiqdi расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Britaniya diplomati hukumat Isroilga qurol sotgani uchun iste’foga chiqdi
![Superliga. "So‘g‘diyona" safarda "Neftchi"ni yirik hisobda mag‘lub etdi расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Superliga. "So‘g‘diyona" safarda "Neftchi"ni yirik hisobda mag‘lub etdi
![Svetlana Osipova: “Olimpiada sabab jarrohlik amaliyotini kechiktirdik” расм](/uploads/posts/2024-08/x997aa70b3d_66c497f86767f.webp.pagespeed.ic.dpmj1gILTx.webp)
Svetlana Osipova: “Olimpiada sabab jarrohlik amaliyotini kechiktirdik”
![Zelenskiy: Ukraina Kursk viloyatida bufer zona yaratmoqda расм](/uploads/posts/2024-08/xd03501a299_bxc9btvhek9go3tc_betrlxt7o20go5s.webp.pagespeed.ic.mmT4-8mXLt.webp)
Zelenskiy: Ukraina Kursk viloyatida bufer zona yaratmoqda
![Tramp prezidentlik saylovida g‘alaba qozonsa Ilon Maskka Oq uydan lavozim taklif qiladi расм](/uploads/posts/2024-08/xdb4ab3b743_n5pgwesortzkz8i2h93fp8dyjuqxfpqf.webp.pagespeed.ic.MJFDnd-Sgv.webp)
Tramp prezidentlik saylovida g‘alaba qozonsa Ilon Maskka Oq uydan lavozim taklif qiladi
![Nodirbek Abdusattorov mukofot jamg‘armasi 350 ming AQSH dollari bo‘lgan turnirda o‘z ishtirokini boshladi расм](/uploads/posts/2024-08/x4ad6a04118_66c4256462254.webp.pagespeed.ic.DZSNC_2M2h.webp)
Nodirbek Abdusattorov mukofot jamg‘armasi 350 ming AQSH dollari bo‘lgan turnirda o‘z ishtirokini boshladi
![Prezident Nukusdagi “Oqqush” majmuasida tashkil etilgan o‘tovlar ko‘rgazmasini ko‘zdan kechirdi расм](/uploads/posts/2024-08/xb9afaf1f2b_otov1-fdghjwfs.webp.pagespeed.ic.PVEtLt-iAh.webp)
Prezident Nukusdagi “Oqqush” majmuasida tashkil etilgan o‘tovlar ko‘rgazmasini ko‘zdan kechirdi
![Fevzi Davletov: "Paxtakor" bilan o‘yin uchun futbolchilarni ruhan tayyorlash shart emas" расм](/uploads/posts/2024-08/xe2ce771029_davletov04-2024.webp.pagespeed.ic.AeeV3YsjEy.webp)
Fevzi Davletov: "Paxtakor" bilan o‘yin uchun futbolchilarni ruhan tayyorlash shart emas"