Nyu-York shahrida 30-oktabr kuni kuchli yomg‘ir yog‘ib, kamida ikki kishining hayotiga zomin bo‘ldi. Mahalliy matbuot ma’lumotiga ko‘ra, Bruklinda 39 yoshli erkak suv bosgan podvalda, Manxettenda esa 43 yoshli erkak qozonxonada halok bo‘lgan.
Shahar favqulodda vaziyatlar boshqarmasi xabariga ko‘ra, ayrim joylarda yomg‘ir miqdori rekord darajaga yetgan. Markaziy bog‘da 45,7 mm, LaGuardia aeroportida esa 50 mm yog‘in qayd etilgan. Bu ko‘rsatkichlar 1917 va 1955-yillardagi rekordlardan ham yuqori.
Kuchli yomg‘ir natijasida ko‘plab ko‘chalar va metro bekatlari suv ostida qolgan. Ayrim uylarning pastki qavatlariga ham suv kirib, aholiga noqulaylik tug‘ilgan.
Mahalliy hokimiyat fuqarolarga past joylardan uzoqlashishni va yo‘llarda ehtiyot bo‘lishni tavsiya qilmoqda. Mutaxassislar esa bu kabi hodisalar iqlim o‘zgarishining oqibatlari ekanini aytishmoqda.
“Zamin”ni Telegramʻda oʻqing!
