1 785
Yevropa futbolida yana bir yuqori darajadagi transfer shov-shuvga aylanishi mumkin. Belgiya terma jamoasi sardori va “Manchester Siti”ning yetakchisi Kevin De Bryuyne ushbu yozda jamoani tark etishi mumkinligi haqida jiddiy xabarlar tarqaldi.
De Bryuynega “Inter Mayami”dan katta taklif
Ma’lumotlarga ko‘ra, Amerika Qo‘shma Shtatlarining Messi boshchiligidagi “Inter Mayami” klubi 33 yoshli pleymeykerni o‘z safida ko‘rishni juda istayapti. Klub Kevinga 2027 yilgacha mo‘ljallangan va keyin yana 3 yilga uzaytirish imkonini nazarda tutuvchi shartnoma tayyorlamoqda.
Xabarlarga ko‘ra, "Inter Mayami" bu transfer uchun jiddiy mablag‘ ajratgan va muzokaralar bosqichida katta harakatlarni amalga oshirib ulgurgan.
Saudiya ham chetda qolmayapti
Biroq De Bryuynega bo‘lgan qiziqish faqat Amerika bilan cheklanmaydi. Saudiya Arabistonining ikkinchi ligasida to‘p suradigan “Neom” klubi ham belgiyalik yulduzni o‘ziga jalb etishni xohlayapti. Ular Kevinga yiliga 24 million yevro maosh taklif qilmoqda.
Muzokaralar boshlangan, biroq hozircha yakuniy qaror qabul qilinmagan. Chunki futbolchining o‘zi va oilasi uchun hayot tarzi muhim hisoblanadi — va bu jihatdan Mayami varianti ancha afzal tuyulayapti.
Kevin De Bryuyne so‘nggi yillarda “Manchester Siti” bilan barcha yirik sovrinlarni yutdi, endilikda esa u yangi hayot va yangi muhit qidirmoqda. Uning tanlovi dunyo futbolidagi navbatdagi katta voqeaga aylanishi mumkin — Amerikadagi “super jamoa”ga qo‘shiladimi yoki Saudiyada moliyaviy impulsni tanlaydimi? “Zamin”ni Telegramʻda oʻqing!
23:46, 5-04-2025
