"Bavariya" hujumchisi Xarri Kane Myunxen klubidagi faoliyati davomida dunyoning eng yaxshi markaziy hujumchisi ekanligini isbotlamoqda. 32 yoshli futbolchi joriy mavsumda o'z faoliyatidagi eng yaxshi natijalarni qayd etib, Yevropa Chempionlar ligasi yarim finalida PSJga qarshi bahs oldidan asosiy kuchga aylandi. Bu haqda Goal.com xabar beradi.
Angliya terma jamoasi sardori Germaniya chempionatida 31 o'yinda 33 ta gol urishga erishdi. U Bundesligada 95 ta gol marrasini eng tez zabt etgan futbolchi sifatida tarixga kirdi.
Kane barcha musobaqalarda 51 ta gol urib, Yevropaning kuchli beshlik ligalarida Robert Levandovskidan keyingi eng yuqori ko'rsatkichni qayd etdi.
Hozirda Kane Yevropa "Oltin butsa"si uchun poygada Erling Xoland va Kilian Mbappedan 9 ta golga o'zib ketgan. Jamoa bosh murabbiyi Vinsent Kompani hujumchining barqarorligini yuqori baholab, uni jamoaning haqiqiy yetakchisi va yoshlar uchun namuna deb atadi.
Kane Chempionlar ligasidagi samaradorligi bo'yicha Lionel Messining ko'rsatkichlariga tenglashib oldi. U turnirdagi 68 ta o'yinda 52 ta gol urishga muvaffaq bo'ldi.
Myunxen klubi rahbariyati futbolchining kelajagi borasidagi mish-mishlarga qaramay, u bilan shartnomani uzaytirish bo'yicha muzokaralar o'tkazishni rejalashtirmoqda.
“Zamin”ni Telegramʻda oʻqing!
