Londonning «Arsenal» klubi Chempionlar ligasi yarim finali oldidan jiddiy yo'qotishga uchradi. Jamoa hujumchisi Kay Xaverts Angliya Premyer ligasi doirasidagi «Nyukasl»ga qarshi bahsda jarohat oldi. Bu haqda Goal.com xabar beradi.
Germaniyalik futbolchi o'yin yakunlanmasidan oldin maydonni oqsoqlangan holda tark etishga majbur bo'ldi. Tibbiy ko'rik natijalariga ko'ra, uning tiklanishi uchun ma'lum vaqt talab etiladi.
Shu tariqa, Xaverts Madridning «Atletiko» jamoasiga qarshi bo'lib o'tadigan yarim finalning dastlabki uchrashuvida ishtirok eta olmaydi. Bu Mikel Arteta jamoasi uchun hujum chizig'ida katta muammo tug'dirishi kutilmoqda.
Hozircha futbolchining aniq qachon safga qaytishi ma'lum qilinmagan. Tibbiyot xodimlari uning holatini nazorat qilib bormoqda.
“Zamin”ni Telegramʻda oʻqing! 
