Rossiya terma jamoasi bosh murabbiyi Valeriy Karpin «Monako» yarim himoyachisi Aleksandr Golovin «Real»ga qarshi o'yin oldidan undan maslahat olgani haqidagi gaplarga munosabat bildirdi. Bu haqda euro-football.ru xabar beradi.
Eslatib o'tamiz, 20-yanvar kuni «Monako» Chempionlar ligasida Madridda «Real»ga 1:6 hisobida mag'lub bo'lgan. Uchrashuv arafasida Karpin rossiyalik futbolchi bilan tushgan suratini joylab, Golovinga bir nechta «maslahat» berganini aytgandi.
Karpinning ta'kidlashicha, u aytgan «maslahatlar» jiddiy ko'rsatma emas, ko'proq hazil va kinoyadan iborat bo'lgan. «Golovinning o'yinini stadionda ko'rdim, afsuski, natija omadsiz bo'ldi. Maslahatlarim — hazil va istehzo. Men unga nima ham dey olardim? Buning uchun murabbiy bor», — deydi Karpin.
Golovin joriy mavsumda Fransiya 1-ligasida 13 ta uchrashuvda maydonga tushib, 2 ta gol urdi va 1 ta golli uzatma muallifi bo'ldi.
“Zamin”ni Telegramʻda oʻqing!
