Россия терма жамоаси бош мураббийи Валерий Карпин «Монако» ярим ҳимоячиси Александр Головин «Реал»га қарши ўйин олдидан ундан маслаҳат олгани ҳақидаги гапларга муносабат билдирди. Бу ҳақда euro-football.ru хабар беради.
Эслатиб ўтамиз, 20-январ куни «Монако» Чемпионлар лигасида Мадридда «Реал»га 1:6 ҳисобида мағлуб бўлган. Учрашув арафасида Карпин россиялик футболчи билан тушган суратни жойлаб, Головинга бир нечта «маслаҳат» берганини айтганди.
Карпиннинг таъкидлашича, у айтган «маслаҳатлар» жиддий кўрсатма эмас, кўпроқ ҳазил ва киноядан иборат бўлган. «Головиннинг ўйинини стадионда кўрдим, афсуски, натижа омадсиз бўлди. Маслаҳатларим — ҳазил ва истеҳзо. Мен унга нима ҳам дей олардим? Бунинг учун мураббий бор», — дейди Карпин.
Головин жорий мавсумда Франция 1-лигасида 13 та учрашувда майдонга тушиб, 2 та гол урди ва 1 та голли узатма муаллифи бўлди.
“Zamin”ни Telegram'да ўқинг!
