Bundesliganing 19-turi doirasida «Frayburg» va «Kyoln» o'yini keskin burilishlar, avtogol hamda boy berilgan penalti bilan yodda qoldi. Bu haqda euro-football.ru xabar beradi.
Hisob 10-daqiqada mehmonlar foydasiga ochildi: Maks Rozenfelder o'z darvozasiga to'p kiritib qo'ydi. Biroq «Frayburg» tezda javob qaytardi — 11-daqiqada Yuito Sudzuki hujumni tezlashtirdi, Derri Sherxant esa darvozabon ustidan to'pni oshirib, muvozanatni tikladi (1:1).
Birinchi bo'lim yakuniga yaqin mezbonlar oldinga chiqib oldi: 44-daqiqada Igor Matanovich Matias Ginter uzatmasini aniq yakunlab, hisobni 2:1 ko'rinishiga keltirdi.
Ikkinchi bo'lim o'rtalarida «Kyoln» darvozasi tomon penalti belgilandi — Alessio Kastro-Montes qo'l bilan o'ynagani uchun. Ammo Matanovich 11 metrlik zarbani golga aylantira olmadi: darvozabon to'pni qaytarib, uni burchak to'piga chiqarib yubordi.
Ushbu g'alabadan so'ng «Frayburg» turnir jadvalida 7-o'ringa ko'tarildi, «Kyoln» esa 10-pog'onada qoldi.
“Zamin”ni Telegramʻda oʻqing!
