Бундеслиганинг 19-тури доирасида «Фрайбург» ва «Кёльн» ўйини кескин бурилишлар, автогол ҳамда бой берилган пенальти билан ёдда қолди. Бу ҳақда euro-football.ru хабар беради.
Ҳисоб 10-дақиқада меҳмонлар фойдасига очилди: Макс Розенфельдер ўз дарвозасига тўп киритиб қўйди. Бироқ «Фрайбург» тезда жавоб қайтарди — 11-дақиқада Юито Судзуки ҳужумни тезлаштирди, Дерри Шерхант эса дарвозабон устидан тўпни ошириб, мувозанатни тиклади (1:1).
Биринчи бўлим якунига яқин мезбонлар олдинга чиқиб олди: 44-дақиқада Игор Мтанович Матиас Гинтер узатмасини аниқ якунлаб, ҳисобни 2:1 кўринишига келтирди.
Иккинчи бўлим ўрталарида «Кёльн» дарвозаси томон пенальти белгиланди — Алессио Кастро-Монтес қўл билан ўйнагани учун. Аммо Мтанович 11 метрлик зарбани голга айлантира олмади: дарвозабон тўпни қайтариб, уни бурчак тўпига чиқариб юборди.
Ушбу ғалабадан сўнг «Фрайбург» турнир жадвалида 7-ўринга кўтарилди, «Кёльн» эса 10-поғонада қолди.
“Zamin”ни Telegram'да ўқинг!
