Madridning «Real» jamoasi bosh murabbiyi Alvaro Arbeloa Chempionlar ligasida «Benfika»ga qarshi bo'ladigan uchrashuv oldidan fikr bildirdi. Bu haqda euro-football.ru xabar beradi.
Bahs Lissabonda umumiy bosqichning so'nggi turi doirasida 28 yanvar, chorshanba kuni bo'lib o'tadi (Toshkent vaqti bilan). «Burgutlar»ni hozir Joze Mourinyu boshqarmoqda, u yaqinda yana «Real»ga qaytishi mumkinligi haqida ham tilga olingandi.
«Maqsadimiz — kuchli sakkizlikda yakunlash. «Benfika» stadioni biz, madridchilar uchun doimo alohida ahamiyatga ega bo'lib qoladi», — deya Arbeloaning so'zlarini keltiradi Madrid Xtra.
Eslatib o'tamiz, 2014 yil may oyida Portugaliya poytaxtidagi «Eshhtadiu da Lush» arenasida «Real» Chempionlar ligasini o'ninchi bor qo'lga kiritib, finalda «Atletiko»ni 4:1 hisobida mag'lub etgandi. Hozirgi murabbiy Arbeloa o'sha paytda jamoa himoyachisi sifatida maydonga tushmay, zaxirada qolgan.
“Zamin”ni Telegramʻda oʻqing!
