Rossiya milliy terma jamoasi bosh murabbiyi Valeriy Karpin «Monako» futbolchisi Aleksandr Golovinga «Real»ga qarshi o'yin oldidan maslahat bergani haqidagi postiga izoh berdi. Bu haqda euro-football.ru xabar beradi.
Eslatib o'tamiz, 20-yanvar kuni «Monako» Chempionlar ligasi doirasida Madridda «Real»ga 1:6 hisobida yutqazgandi. Uchrashuv arafasida Karpin rossiyalik yarim himoyachi bilan tushgan suratni joylab, Golovinga bir nechta tavsiya berganini yozgandi.
Karpinning aytishicha, u Golovinga jiddiy ko'rsatma berganini emas, shunchaki hazil va kinoya qilganini nazarda tutgan. «Golovinning o'yiniga bordim, afsuski, u muvaffaqiyatsiz o'tdi. Maslahatlarim — hazil va kinoya. Men unga nima ham maslahat berardim? Buning uchun murabbiy bor», — deya Karpin so'zlarini «Chempionat» nashri keltirdi.
Golovin joriy mavsum Fransiya Ligasida 13 ta uchrashuvda maydonga tushib, 2 ta gol urdi va 1 ta golli uzatma amalga oshirdi.
“Zamin”ni Telegramʻda oʻqing!
