Россия миллий терма жамоаси бош мураббийи Валерий Карпин «Монако» футболчиси Александр Головинга «Реал»га қарши ўйин олдидан маслаҳат бергани ҳақидаги постига изоҳ берди. Бу ҳақда euro-football.ru хабар беради.
Эслатиб ўтамиз, 20-январ куни «Монако» Чемпионлар лигаси доирасида Мадридда «Реал»га 1:6 ҳисобида ютқазганди. Учрашув арафасида Карпин россиялик ярим ҳимоячи билан тушган суратни жойлаб, Головинга бир нечта тавсия берганини ёзганди.
Карпиннинг айтишича, у Головинга жиддий кўрсатма берганини эмас, шунчаки ҳазил ва киноя қилганини назарда тутган. «Головиннинг ўйинига бордим, афсуски, у муваффақиятсиз ўтди. Маслаҳатларим — ҳазил ва киноя. Мен унга нима ҳам маслаҳат берардим? Бунинг учун мураббий бор», — дея Карпин сўзларини «Чемпионат» нашри келтирди.
Головин жорий мавсум Франция Лигасида 13 та учрашувда майдонга тушиб, 2 та гол урди ва 1 та голли узатма амалга оширди.
“Zamin”ни Telegram'да ўқинг!
