Bundesligada nemisning «Augsburg» jamoasi myunxenning «Bavariya» klubini mag‘lub etib, raqibiga mavsumdagi ilk yutqazishni taqdim etdi. Bu natija «Augsburg» muxlislari uchun alohida quvonch bo‘ldi. Bu haqda euro-football.ru xabar beradi.
Uchrashuvda «Bavariya» hujumchisi Garri Keyn kutilgan darajada porlamadi. Ingliz forvardi sust o‘yin ko‘rsatgani ortidan raqib jamoa ishqibozlarining bezarar kulgili hazillariga nishon bo‘ldi.
Jumladan, «Augsburg» muxlislari chatlaridan birida shunday suhbat kuzatildi: “Qachon kelasiz?” — deb so‘radi fanatlardan biri do‘stidan. “Bilmayman, o‘zimni darvoza oldidagi o‘sha yigitdek his qilyapman — umuman yo‘qman”, — deya javob berdi u Keynning suratini ilova qilib.
Eslatib o‘tamiz, Garri Keyn 2023 yildan buyon «Bavariya» safida to‘p surmoqda.
“Zamin”ni Telegramʻda oʻqing!
