Sadio Mane yaqin vaqt ichida «Al-Nasr»ni tark etishi mumkin. Bu haqda euro-football.ru xabar beradi.
365Scores Arabia xabariga ko'ra, Saudiya klubi senegallik hujumchiga yangi shartnoma taklif qilmaslikka qaror qilgan. Mane bilan amaldagi bitim esa 2027 yil 30 iyungacha mo'ljallangan.
Mane 2023 yilda «Bavariya»dan «Al-Nasr»ga 30 million yevro evaziga ko'chib o'tgandi. Joriy mavsumda u barcha musobaqalarda 17 o'yinda maydonga tushib, 6 ta gol urdi va 6 ta golli uzatmani amalga oshirdi. Transfermarkt portali futbolchini 7 million yevroga baholamoqda.
Hozirda «Al-Nasr» Saudiya Arabistoni chempionati turnir jadvalida 37 ochko bilan uchinchi o'rinda bormoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
