"Manchester Yunayted" klubi o'zining iqtidorli yarim himoyachisi Kobbi Maynu bilan uzoq muddatli yangi shartnoma borasida to'liq kelishuvga erishdi. 21 yoshli futbolchi yaqin vaqt ichida "Old Trafford"da qolishini tasdiqlovchi rasmiy hujjatlarga imzo chekadi. Bu haqda Goal.com xabar beradi.
Yangi kelishuvga ko'ra, futbolchining maoshi sezilarli darajada oshiriladi. Bu qaror Maynuning jamoa asosiy tarkibidagi muhim o'rni va ko'rsatayotgan barqaror o'yini sababli qabul qilindi.
Bosh murabbiy Maykl Kerrik qo'l ostida Kobbi Maynu jamoa markaziy chizig'ining ajralmas qismiga aylandi. Klub rahbariyati yosh yulduzni jamoaning kelajakdagi poydevori sifatida ko'rmoqda.
Ushbu shartnoma "Manchester Yunayted"ning o'z tarbiyalanuvchilarini saqlab qolish va tarkibni yoshartirish strategiyasining bir qismidir. Tomonlar o'rtasidagi muzokaralar muvaffaqiyatli yakunlandi.
“Zamin”ni Telegramʻda oʻqing! 
