“Barselona”ning sobiq yarim himoyachisi Aleksandr Gleb Belarus terma jamoasining Viktor Gancharenko qo‘l ostidagi istiqbollari haqida fikr bildirdi. Bu haqda euro-football.ru xabar beradi.
Glebning aytishicha, Gancharenko uchun Belarusni Yevropa chempionatiga olib chiqish juda mushkul bo‘ladi. U bunga sabab sifatida terma jamoa bilan ishlash klubdagi murabbiylikdan mutlaqo farq qilishini ta’kidladi. “Viktor Mixaylovich yangi vazifani qanday uddalashini vaqt ko‘rsatadi”, — dedi u “RB Sport”ga.
Shu bilan birga, sobiq futbolchi vaziyat qanday bo‘lishidan qat’i nazar, terma jamoa va murabbiyga doim qo‘llab-quvvatlashini bildirdi. Uning umidicha, Gancharenko kelishi Belarus termasini oldinga qadam tashlashiga yordam beradi.
Ma’lumot uchun, belaruslar yozda AQSH, Kanada va Meksikada bo‘lib o‘tadigan navbatdagi jahon chempionatiga yo‘llanma ola olmadi.
“Zamin”ni Telegramʻda oʻqing!
