Yevropa Konferensiyalar ligasi yarimfinal bosqichidagi ilk bahslar muxlislarga sermazmun va hujumkor futbol taqdim etdi. "Kristal Pelas" Polshada "Shaxtyor"ga qarshi maydonga tushib, ishonchli gʻalabani qoʻlga kiritdi.
Uchrashuv juda tez boshlandi. Ingliz jamoasi hali oʻyinning 1-daqiqasidayoq hisobni ochib, raqibni shok holatiga tushirdi — Ismaila Sarr aniq zarba bilan jamoasini oldinga olib chiqdi. Bu gol oʻyin ssenariysini toʻliq oʻzgartirdi.
Ikkinchi boʻlim boshida “Shaxtyor” hisobni tenglashtirishga muvaffaq boʻldi. 47-daqiqada Ocheretko jamoasiga umid bagʻishladi. Biroq bu quvonch uzoq davom etmadi.
58-daqiqada Daichi Kamada yana mehmonlarni oldinga olib chiqdi. Oʻyinning soʻnggi qismida esa zaxiradan tushgan Larsen 84-daqiqada uchinchi golni urdi va bahsga nuqta qoʻydi.
YEKL. Yarimfinal
"Shaxter" – "Kristal Pelas" 1:3
Gollar: Ocheretko (48) – Sarr (1), Kamada (58), Larsen (84)
"Shaxter": Riznik – Vinisius Tobias, Bondar, Matviyenko, Pedro – Enrike – Ocheretko (Nazarin, 83) – Alisson, Pedrino (Neverton, 74), Marlon Gomes (Izaki, 65), Eginaldu (Bondarenko, 74) – Kauan Elias (Traore, 83)
"Kristal Pelas": Xenderson – Richards, Lakrua, Kanvo – Munos, Uorton, Kamada (Lerma, 90), Mitchell – Sarr, Mateta (Larsen, 65), Pino (Djonson, 74)
Ogohlantirishlar: Ocheretko (31), Vinisius Tobias (38), Pedro Enrike (53) – Pino (44), Kanvo (56)
Shu tariqa, “Kristal Pelas” 3:1 hisobida gʻalaba qozonib, javob oʻyini oldidan juda qulay ustunlikka ega boʻldi.
Maʼlumot oʻrnida, jamoalar oʻrtasidagi ikkinchi uchrashuv 7 may kuni boʻlib oʻtadi va aynan oʻsha bahs final yoʻllanmasini hal qiladi.
Qisqacha aytganda, ingliz klubi bu gal oʻyinni toʻliq nazorat qildi va natijada ustunlikni qoʻlga kiritdi. Endi “Shaxtyor”ga finalga chiqish uchun moʻjiza kerak boʻladi.
“Zamin”ni Telegramʻda oʻqing!
