"Braga" dramatik oʻyinning soʻnggi daqiqasida gʻalabani ilib ketdi

Yevropa ligasi yarimfinal bosqichidagi yana bir qiziqarli toʻqnashuv Portugaliyada boʻlib oʻtdi. "Braga" oʻz maydonida "Frayburg"ni qabul qilib, muxlislarga haqiqiy dramani taqdim etdi.

Uchrashuv jadal boshlandi. Mezbonlar 8-daqiqadayoq hisobni ochdi — Tiknaz aniq zarba bilan jamoasini oldinga olib chiqdi. Biroq nemis jamoasi tezda javob qaytardi: 16-daqiqada Vinchenso Grifo hisobni tenglashtirdi.

Birinch boʻlim oxirida “Braga” oldinga chiqish imkoniyatiga ega boʻldi, ammo 45+1-daqiqada Salazar tomonidan amalga oshirilgan penaltidan foydalanilmadi. Shu tariqa, jamoalar tanaffusga teng hisobda yoʻl oldi.

Ikkinchi boʻlimda oʻyin yanada keskin tus oldi. Har ikki jamoa gʻalaba uchun harakat qildi, biroq uzoq vaqt davomida hisob oʻzgarmadi. Barcha oʻyin durang bilan tugaydek tuyulayotgan pallada, 90+2-daqiqada Dorgeis sahnaga chiqdi va hal qiluvchi golni urdi.

Shu tariqa, “Braga” soʻnggi soniyalarda gʻalabani ilib ketib, javob oʻyini oldidan muhim ustunlikka ega boʻldi.

Maʼlumot uchun, jamoalar oʻrtasidagi ikkinchi bahs 6 may kuni boʻlib oʻtadi va aynan shu kuni finalga yoʻl oluvchi jamoalar nomi aniqlanadi.

Qisqacha aytganda, bu bahs Yevropaning eng qiziqarli kechalaridan biri boʻldi. Endi hamma narsa Germaniyada hal boʻladi — va intriga hali tirik.